Ótrúlegt siðleysi í gangi!

Af hverju er ríkið ekki búið að taka yfir t.d. BYR sparisjóðinn eftir að nýir eigendur þess banka klúðruðu rekstrinum (hugsanlega viljandi) og rústuðu varasjóð félagsins?  Af hverju semur íslenska ríkið við þessa bankamenn sem eru í raun "ótrúlega siðblindir.....?"  Þegar mbl ræðir svo við þennan Jón Þórisson, forstjóra VBS fjárfestingabanka sem skuldar 26 milljarða skuld sem hann reyndar mun aldrei geta greitt tilbaka, þá segir þessi pappír eftirfarandi: "... með kaupum á Netbankanum yrði styrkari stoðum skotið undir rekstur bankans. „Bætir það rekstrargrundvöll VBS og verðmæti. Þá eykur það möguleika okkar til að greiða lánið frá ríkinu til baka."  Fyrir þá stjórnmálamenn sem ekki skilja íslensku þá er þessi karakter að benda fjármálaráðherra á að fái hann ekki Netbankann þá fái ríkið ekki krónu frá honum....  Af hverju fékk VBS að halda áfram rekstri?  Fjárfestingabanki í vonlausri stöðu.  Alveg eins og almenningur mun ekki geta skilið það að BYR sé ekki tekinn yfir af ríkinu.  Báðir þessir bankar "BYR og VBS eru úr leik þökk sé arfaslökum stjórnendum & eigendum". 

Ég tek auðvitað "heilshugar" undir réttmæta gagnrýni Margeir Pétursson, stjórnarformaður MP banka, þegar hann segir m.a.: "...það bera vott um „ótrúlegt siðleysi“ að VBS fjárfestingarbanki hafi sett sig í samband við skilanefnd SPRON til þess að hefja viðræður um kaup á Netbankanum, nb.is, dótturfélagi SPRON, þegar blekið er vart þornað á samningi VBS við ríkissjóð vegna 26 milljarða skuldar sem varð til í svokölluðum endurhverfum viðskiptum VBS við Seðlabankann. Hann segist orðlaus og á ekki von á öðru en að þetta verði stöðvað...".  Mér finnst allt þetta bankahrun gefa innsýn í frekar ósmekklegt siðleysi sem virðist vera alstaðar í þessum auma geira!  Samt ánægjulegt að sjá að MP bankinn & Auðar Capital gátu tekið gáfulegar ákvarðanir þegar hrunadansinn var stiginn í kringum "gullkálfinn Mammon......"

kv. Heilbrigð skynsemi

 

. Ætti lánveitandinn að vera ánægður með það.“

Samdi um 26 milljarða lán og vill kaupa Netbankann

Athugasemdir

[Jóhannes (IP-tala skráð) 24.3.2009 kl. 09:44]

Sæll,

  Já, þetta er svo sem ekkert nýtt. Svona hefur kerfið einfaldlega fúnkerað undanfarin ár. Þetta er í sjálfu sér ekki siðleysi. Fyrir hálfu ári síðan hefði engin talað um siðleysi, þannnig að það er spurning hvort rétt sé að tala um siðeysi. Aftur á móti voru Íslendingar SIÐLAUS þjóð. Það er svo allt önnur Ella.

     Batnandi þjóð er best að lifa

[Jakob Þór Haraldsson (IP-tala skráð) 24.3.2009 kl. 11:31]

Sælir Jóhannes, jú þetta er allt siðlaust, en sumir halda því fram að þessi siðblinda sé lögleg, því þessir einstaklingar hafi bara "leikið á kerfið & farið eins langt og þeir gátu...".  En bæði hérlendis og erlendis þá sanna dæmin að þessir aðilar "lugu & blektu alla með því að koma á framfæri RÖNGUM upplýsingum" - slíkt er glæpsamleg hegðun og felur undir t.d. "viljandi fjársvik".  Á sama tíma og þessir bankastjórar & bankaeigendur hafa í raun "arðrænt fyrirtækin innan frá "forstjórar með að gefa sjálfum sér BÓNUS fyrir að koma fyrirtækjum á hausinn" og "eigendur með því að greiða sér ARÐ út á falskar eiginir", sbr. t.d. uppskrúfað eigið fé gegnum uppblásið "goodwill".  Maður þarf að vera illa innrætur og siðlaus karakter til að gera svona.  En margir þeirra er kjósa RÁNFUGLINN aðhylast dýrkun á Mammon & græðgisvæðing er hið besta mál í þeirra huga.  "Greed is gooooood" og þetta er bara "öfund" hjá okkur hinum sem ekki fáum að spila með, en við þurfum ávalt að borga brúsan þegar dæmið er endalega gert upp.....  Ég tek undir það hjá þér að íslendingar eru fábjánar upp til hópa, með nokkrum undartekningum...!  Agalaust, ábyrgðarlaust & siðlaust samfélag, því miður enda hefði ekki verið hægt að koma kvótakerfi & einkavinnavæðingu bankanna ef hér væri til staðar HEIÐARLEIKI - sorgleg staðreynd hversu illa íslenskir stjórnmálamenn & verkalýðshreyfingin fer með íslenska sauðinn.  Við erum dreginn áfram á ASNAEYRUNUM endalaust.

kv. Heilbrigð skynsemi

[Hákon Jóhannesson (IP-tala skráð) 24.3.2009 kl. 12:43]

Þetta er einmitt það sem þessir veruleikafylltu bankastjórnendur hafa verið að gera:  "Bætir það rekstrargrundvöll VBS og verðmæti" segir forstjórinn. 

Sama sagan og fyrr - "kaupa" með láni til að hækka verðmæti fyritækisins og bjarga einig skinni á kostnað annarra. Skammta síðan sér og vinum síðan ríflegan arð - fyrir "snilldina" auðvitað.

Þvílíkt rugl.

Það er til of mikils ætlast að þessir fjárglæframenn breytist, enda átti ég aldrey von á því.

Því hef ég sagt og segi enn: Það á ekki að einkavæða bankana strax.

[Jóhannes (IP-tala skráð) 24.3.2009 kl. 14:37]

Jakob,

  Já mikið er ég sammála þér!!

  Ég er óflokkspólitískur. Þetta hefur bara verið of sorglegt til að horfa upp á þetta. T.d. varðandi fasteignaverð. Fyrir nokkrum árum þegar fasteignaverð hafði hækkað um 100% að raungildi, og vextir hækkað líka, þá var engin að tala um að það væri nánast ómögulegt fyrir ungt fólk að kaupa sér e-a íbúðarkytru. Það var öllum basically sama. Ég vil einnig minna á að jafnvel V-grænir töluðu frekar vel um bankana fyrir kosningarnar 2007. Þeir voru fastir í endalausum umhverfismálum, og femínisma.  Þetta er bara staðreynd.  Þeir þorðu hreinlega ekki að tala á móti græðgisvæðingunni, nema nema á mjög almennum nótum. 

  Samfylkingin var farinn að gera sér dælt við ránfuglinn, og var gjörsamlega blind, vegna eigins metnaðar við að halda flokknum gangandi.

 Núna er bara vonandi að V-Grænir hafi vit í kollinum til að taka af alvöru á málunum, en ekki festast í einhverri mussu-pólitík