Mr. Clean & einkavinnavæðingin!

Í þessu einkavinnavæðingar ferli bankanna var alltaf AUGLJÓST að til stóð að GEFA bankanna réttum aðilum eftir helmingarskiptareglu Framsókn & Sjálfstæðisflokksins!  Nú kemur fram Mr. Clean og útskýrir að flest öll markmið sem set voru í kringum sölu á bönkunum hafa í raun verið brotin, eða frá þeim fallið í þessu samningarferli....  Mr. Clean segir m.a.: "...mjög mikilvægt að það lenti ekki í höndunum á einhverjum ævintýramönnum. Það hins vegar blasir við núna að það er það sem gerðist,“  Það var BLÁSKJÁR og RÁNFUGLINN sem ákvað að réttast væri að afhenda Björgólfs feðgum djásnið af því það hafði verið farið svo illa með þá.... Halló - halló ég hélt það hefði verið farið illa með hluthafa Hafskip, en ég hef eitthvað misskilið þetta, ég hef einnig eitthvað misskilið þá augljósu staðreynd að það var AUGLJÓST að Björgólfur eldri hafði hlotið refsidóm hérlendis, alveg eins og það var augljóst að þessir einstaklingar höfðu ENGA reynslu af bankarekstri.  Eða eins einn stjórnarformaður bresk banka sagði um þessa menn: "They were not fit to run a fish & chip shop.."  allar þessar staðreyndir lágu fyrir þegar ákveðið var að GEFA (sorry selja..!) bankanna til vissra aðila. 

 Auðvitað kom þá Framsókn fram með þá snildar fléttu að þeir FENGJU afhent Búnaðarbankann, og þeir voru meira að segja svo snjallir (frekir) að þeir heimtuðu að fá VÍS eignina færða úr Landsbankanum yfir í Búnaðarbankann.  Allt gekk þetta eftir og þessir siðblindu menn hlógu sig mátlausa.  Held þeir hafi fljótlega selt VÍS á 25 milljarað, en þegar þeir fengu VÍS afhent þá mátu þeir það á 1-5 milljarða.  Þetta er í mínum huga bara "atvinnuglæpamenn" og þeir verða kallaðir til ábyrgðar, þó svo Valgerður hafi gert allt sem hún gat til að skapa þessu trúverðugleika!  Þetta SVINDL (helmingarskipta reglna) var svo viðbjóðsleg að þessi Ari sem var yfir einkvæðingarnefndinni sagði sig frá dæminu, hann var orðlaus yfir "ruglinu & bullinu".  Sá maður er HETJA í mínum huga, en Mr. Clean ég gef nú ekki mikið fyrir hann, eftir að hann og Toxit Jón buðu BLÁSKJÁ upp á 300 súr vínber í UK.  Davíð kom heim og sagði farir sýnar ekki góðar í tengslum við Mr. Clean & Mr. Toxit, en því miður tók enginn BLÁSKJÁ trúarlegan.... Mr. Clean segir síðan m.a.: "Meginmarkmiðið var fólgið í því að fá inn erlenda bankastofnun til að tryggja að kjölfestufjárfestar í bönkunum væru með reynslu af bankarekstri. Eftir að ég hætti í framkvæmdanefndinni gerist það greinilega að öllum þessum reglum og markmiðum er ýtt til hliðar.“

Að lokum segir Mr. Clean:  "..okkur var ávalt bent á það erlendis frá að ekki heppilegt að aðilar sem höfðu verið í stjórnmálum, eða nátengdir þeim, kæmu til greina sem kaupendur. Af þeirri ástæðu hefði aldrei komið til greina af minni hálfu, hefði ég enn verið í nefndinni, að S-hópurinn kæmi til greina sem kaupandi, eins tengdur og hann var stjórnmálunum, svo dæmi sé tekið."  Öllum hefði átt að vera augljóst frá byrjun að þessar sölur voru út úr kortinu.  Allar reglur sem einkavæðingarnefnd átti að starfa eftir voru setar meira & minna til hliðar.  Auðvitað þarf að kalla þessa siðblindu aðila til ábyrgðar, fyrr mun ekki ríkja sátt í þessu samfélagi..., þá á ég við alla í stjórnmálageiranum (líka Sollu stirðu), þá sem keyptu og þá sem báru ábyrgð á söluferlinu!

kv. Heilbrigð skynsemi

Lentu í höndunum á ævintýramönnum