Bragða refir!

Gunnar Hersveinn skrifaði frábæra bók "Gæfuspor - gildin í lífinu", þar fjallar hann um gildi eins og "heiðarleika, gleði, öfund, hroka o.s.frv."  Því miður vantar í þá frábæru bók að hann fjalli um "græðgi & auð".   Bókin um Veginn & Spámaðurinn reyna að kenna okkur hvað felst í "sönnum auð" - þar er ávalt lögð gríðarleg áhersla á að fólk rækti hjá sér m.a. eftirfarandi eiginleika "kærleikur, heiðarleiki, heilsan, dugnað & vera góður einstaklingur ....".  Það er sá AUÐUR sem Biblían og allar andlegar bækur reyna að kenna okkur að skipti máli í lífinu!  KÆRLEIKURINN á að vera okkar göngustígur í garðinum okkar!  Við eigum að rækta garðinn okkar (fjölskyldan & samfélagið), hlúa að honum, átt okkur á því að það eru ólíkar árstíðar í garðinum (haust, vetur, vor & sumar), við þurfum að sinna garðinum (okkur & fjölskyldunni) með því að rífa burt arfann, sá niður fæjum (góðverkum), vökva blómin (sýna ást & hlýju) og veita þeim plöntum (börnum okkar) skjól & stuðning gegn vindi.  Þetta er ekki auðvelt, en fátt er jafn skemmtilegt eins og að upplifa blómlegan & líflegan garð!  Aldrei er hægt að taka frá manni þann AUÐ sem sprettur upp úr slíkri vinnu. 

Þessir fjárglæframenn eru engir auðmenn..!  Þetta eru því miður upp til hópa "bragða refir" sem hikka ekki við að hrifsa & taka allt sem þeir girnast "græðgi & girnd" eru þeirra helstu drifkraftar!  Þessir menn skilja allstaðar eftir sig "sviðna jörð" og þegar þeir nauðga lánadrottnum (broddgeltinum) þá segja þeir (refirnir): "Engin rós er án þyrna" - þannig reyna þeir ávalt að réttlæta sýna gjörninga!  Þessir níðingar hafa því miður fyrir löngu selt sál sína MAMMON og ég myndi ekki vilja vera þeir í næsta lífi...  "Deyr fé - deyja frændur en orðspor deyr aldrei" (Hávamál) - ég finn til með t.d. Bjarna Ármannssyni og hans yndælu fjölskyldu.  Hann á vissulega í dag einhverja pappírs peninga, en á móti kemur að stór hluti þjóðarinnar hattar hann og fyrirlítur.  Hann á þannig auð í fjölskyldu sinni, en hefur misst mannorð sitt með því að missa sig í tómlausri grægði.  Ég vona innilega hans & þjóðarinnar vegna að honum & öðrum aðilum sem misstu sig í "blindri sjálftöku", takist að sætast við þjóðina.  Þá þurfa þessir aðilar að biðjast afsökunar og taka þátt í því með okkur hinum að búa til betra samfélag.  Með því að stinga af með allt sitt fé til útlanda og gefa okkur fingurinn, þá er þetta lið að dæma sjálft sig úr leik...  Það verður hugsanlega ríkast líkið í kirkjugarðinum, en hefði ekki verið gáfulegra að viðurkenna mistök og rétta þjóðinni sáttarhönd???

Við erum öll GUÐS börn og við viljum byggja upp bræðralag "kærleiks & hlýju", en það krefst þess að þessir svo kölluðu auðmenn skilji "tilgang lífsins".  Sannur auður er að "hlúa að sínum garði" (sér & fjölskyldu sinni) og sjá til þess að sátt sé í garðinum, þannig að tré mitt skyggi ekki á aðra garða.  Allir eiga að geta notið sýn ef kærleikur er til staðar í garðinum (samfélaginu) og ef garðyrkjumaðurinn (stjórnvöld) eru að standa vaktina...., en fráfarandi garðyrkju maður var húðlatur, ávalt sofandi eða á ferðalögum erlendis.  Núverandi garðyrkjumaður stígur ekki í vitið og kan ekki mikið er kemur að góðri garðyrkju.  Vonandi tekst garðinum að finna betri & manneskjulegri garðyrkjumann....

Mjög oft gerist það að garðyrkjumaðurinn verður að spreyja "eitri í garðinn" (lög & reglur) til þess að tryggja að garðurinn fái að njóta sín.  Þá skiptir máli að viðskiptalífið (t.d. Viðskiptaráð) útvegi alvöru eitur en ekki bara vatnsgufu, því með því að leika á garðyrkjumanninn (þjóðina & stjórnvöld) þá eru þau í raun að leiða til þess að garðurinn OKKAR deyr drottni sýnum.  Nú er okkkar garður laskaður, eftir að óreiðumenn & fábjánar hafa farið um hann ránshendi....  Við skulum ekki gefast upp, við skulum hlúa að hvert öðru og veita "hlýju & birtu" allstaðar þar sem við stígum niður fæti.  Þeir sem vilja taka þátt í slíkri garðyrkju eiga að skrá sig í Mannræktunarfélag Íslands ([e-mail]) og saman byggjum við upp DRAUMLAND - þar sem ÖLL dýrin í GARÐINUM fá að njóta sýn saman - gaman.....  Fyrir hönd Mannræktunarfélags Íslands vonast ég eftir þinni þátttöku...!

kv. Heilbrigð skynsemi ([e-mail])

Auðjöfrar landsins sjást ekki á götum Reykjavíkur

Athugasemdir

[Ásgeir Rúnar Helgason, 13.4.2009 kl. 19:08]

Gunnar Hersveinn er góður maður!

[Jakob Þór Haraldsson (IP-tala skráð) 13.4.2009 kl. 19:24]

Hann er yfirburða karakter, ótrúlega gaman að lesa allt sem kemur frá honum.  Hann var að læra heimspeki við HÍ á sama tíma og bróðir minn, Róbert Hilmar Níels Haraldsson....