Við mótmælum ÖLL!

Haraldur Hansson segir réttilega í sinni bloggfærlsu að “Velferðabrúin er týnd” – alveg eins og “Vinna & velferð er týnt” – alveg eins og “Fagra Ísland var lygi & lýðskrum” frá Samspillingunni, en samt fellur íslenski sauðurinn alltaf fyrir þessum blekkingum XS..... Haraldur bendir á bloggfærslu Marinó G. Njálssonar sem hann skrifaði í gær, en fyrirsögn hennar er “Áður glitti í löngutöng, en nú sést hún skýrt og greinilega.”  Þar segir m.a.: “Öll úrræði sem sett hafa verið fram snúast um að BLÓÐMJÓLKA almenning.  Hvergi er króna gefin eftir!  Mér er alveg nákvæmlega sama þó NBI, Íslandsbanki eða Nýja Kaupþing séu með aðra kennitölu en gömlu SVIKAMYLLUBANKARNIR.  Í mínum huga eru þetta sömu bankarnir og bera ÁBYRGÐ á að krónan féll um 40-50% á 7 eða 8 mánuðum og að ársverðbólga síðasta árs var 17%.  Þetta eru söm bankarnir, þar er mergur málsins og þeir skulda okkur háar upphæðir vegna þessa athæfis.  Almenningur í landinu skuldar þessum bönkum ekki neitt!”  Þetta er aðeins brot af enn einni magnaðri færslu Marinós, sem er gríðarlega öflugur talsmaður Hagsmunasamtaka heimilanna.  Við þurfum því miður ÖLL að standa vaktina og BERJA á þessum stjörnvöldum svo þau VAKNI til lífsins...! 

Rúnar Berg Baugsson orðar þetta einnig vel í sinni bloggfærslu: “Allt of lengi höfum við tekið þessa þvælu mótspyrnulaust og höfum orðið að skuldaþrælum þeirra. Með síhækkandi lánum og verðlagi, og staðnandi launum hafa auðmannastofnanirnar tekið frá okkur sem ætti ekki að vera hægt. Þær hafa m.a. tekið frá okkur svo mikinn tíma að við höfum ekki lengur tíma til að ala upp börnin okkar.”  Ég hef t.d. alltaf kvartað undan því að “Ísland hafi ekki verið fjölskylduvænt samfélag” síðustu 20 árin, en íslenski þrællinn var svo upptekinn við að vinna að hann gaf sér ekki tíma í að hugsa, hann bara framkvæmdi í blindni.  Sem betur fer eru flestir sauðurinir vaknaðir til lífsins og eru að átta sig á þeirri skelfilegu staðreynd að hann hefur látið hafa sig að fípli.  Okkar samfélag hefur því miður ekki ýtt undir góðar dygðir, svo sem: “nægjusemi, sparnað, virðing, auðmýkt, hlýju & kærleik” heldur hafa gildi svo sem: “sjálfselska, öfund & græðgi” fengið frítt spill.....  Ég vildi óska þess að fjölskyldur landsins myndu hafa vit á því að fjárfesta í því að kaupa bókina “Gæfuspor – gildin í lífinu” eftir rithöfundinn Gunar Hersveinn.  Við sem ÞJÓÐ verðum að fara að skilja hvað felst í því að lifa góðu lífi….!  Ég mæli með því að Hannes Hólmsteinn Gizzurason & útrásar skúrkarnir lesi þessa bók TVISVAR sinnum, svo einhverjar líkur séu á að þeir meðtaki “boðskapinn” og fari að skilja tilgang lífsins.  Tilgangur lífsins er ekki að vera “heimskasta & ríkasta líkið í kirkjugarðinum” – tilgangurinn er heldur ekki að verða “alheimsníðingur” eins og þessir 20-50 íslensku útrásar skúrkar halda…!

Svo ég vitni aftur í bloggfærslu Rúnars Bergs: “Við hefðum átt að vera löngu búin að spyrna við þessu. Það er langt síðan við vissum um hvernig bankarnir hafa verið að taka af okkur það sem á að vera heilagt. En þeim tókst að blekkja okkur. Þeir skrifuðu bara eitthvað í tölvurnar sínar og við vorum komin með eitthvað sem þeir kalla yfirdráttarheimild, eða endurfjármögnun. Við gátum keypt okkur nýja bíla og flatskjá þökk sé þeim. Í grunnskólum er þetta kallað einelti. Valdameiri krakkarnir nýta skort sumra krakka til að lokka þá til sín með nammi eða slíku og fara svo með þá eins og þeim sýnist.....,”  Tek hjartanlega undir það að bankarnir voru ekki bara svika- & lygamyllur, þeir stóðu fyrir blekkingum & vörusvikum, og svo hafa þeir alltaf staðið fyrir “bolabrögðum” – þetta lið sem stýrir þessum bönkum (þá & nú) er í raun bara margt með skítlegt eðli og óeðlilega heimskt…!  Mín upplifun af þeirra  vinnubrögð, fyrir & eftir kreppu er ástæða þessara neikvæðu fullyrðingar minnar! 

 

Í lok bloggfærslu sinnar segir Rúnar Berg: “En í staðin fyrir að múta okkur með veraldlegum óþarfa koma yfirvöld nú með elsta útspilið í sögunni. „Ef þú borgar ekki tíkall núna, þá borgarðu mér hundrað kall á morgun.“ Þau beita hræðsluáróðri. Það er auðvelt að festast í honum. Sjáum bara hvernig fer fyrir konum sem eru barðar af mönnum sínum. Hræðslan heldur okkur fjötruðum. Til að losna, er aðeins eitt hægt. Verum hugrökk, hættum að sýna hollustu við þrælahaldarana.....”  Já, verði hugrök, takið gáfulega ákvörðun, hættið að borga af þessum lánum, aðeins þannig náið þið (við) að knýja bankanna & stjórnvöld að borðinu með raunhæfar lausnir.  Borgið bara “síma- & rafmagnsreikninga” næstu 6-12 mánuði, takið til hliðar allt ykkar fé og geymið það í bankahólfi.  Búið til ykkar eigin varasjóð og best væri ef þið tækjuð einnig út allan ykkar pening af bankabókum og setuð í peningahóflið, þannig tryggið þið að bankarkerfið hrynji og þá VERÐA stjórnvöld að koma með SANNGJARNAR lausnir, ekki þýðir að troða lengur ofan í kok á íslenska þrælnum að hann eigi að borga endarlaust af slæmum okurlánum.  Okkur er & hefur verið lengi misboðið, hingað & ekki lengra – STOPP – “við mótmælum öll slæmri meðferð....”. 

 

Kaldur VERULEIKINN sem stjórnvöld vilja ekki skilja, þó staðreyndir blassi við þeim er að

sá að tugþúsundir fjölskyldna um allt land, sérstaklega á Stór-Reykjavíkursvæðinu eru að komast á vonarvöl vegna atvinnuleysis, okurlána og offjárfestinga.  Þetta er því miður “Game Over”, nema einhverjar raunhæfar lausnir komi á borðið.  Það leysir engann vanda að lengja í lánum..!  Þá einföldu staðreynd verða stjórnvöld að fara að skilja.....  Þau eru ennþá að berja hausnum við steinn, alveg eins og fyrir bankahrunið, alveg sama hversu margar skýrslur sögðu þeim sannleikann, þau voru bara eins og strúturinn, stungu hausnum í sandinn, og þegar þau lyftu honum upp þá vall upp úr honum “lyga froðusnakk um að allt væri í góðu lagi”.  Auðvitað trúir enginn lengur þessum atvinnulygurum.  Þjóðar ógæfa hversu spilta-, lélega & heimska stjórnmálamenn við eigum! 

 

Í bloggfærslu Marinó G. Njálssonar segir m.a.:”Þetta er því miður VERULEIKINN.  Sífellt stærri (og stærri) hópur fólks á ekki annarra kosta völ en að velja á milli þess að eiga fyrir nauðþurftum eða greiða af lánum.  Velkominn í þann veruleika sem skapaði undirmálslánin í Bandaríkjunum.  Munurinn er sá að hér voru þetta ekki undirmálslán.  Þetta voru (í flestum tilfellum) ósköp venjulega íbúðarlán (eða bílalán).  Vegna stjórnarstetu Marinós í Hagsmunasamtökum heimilanna, þá hefur Marinó heyrt af mjög mörgum sem eru í nákvæmlega sömu (slæmri/vonlausri) stöðu og Svanberg Hjelm.  Allt var í góðu lagi hjá viðkomandi einstaklingum þar til þau misstu vinnuna.  Þá var fótunum kippt undan fjárhagslegu sjálfstæði fjölskyldunnar.  Og hvað hafa stjórnvöld gert til að sporna við þessari þróun....?  Nokkur veginn EKKI NEITT!”

Síðar segir Marinó: “Það hefur nákvæmlega ekkert verið gert til að standa vörð um störfin.  Það hefur ekkert sem heitið getur verið gert til að verja heimilin.  Hafi verið slegin skjaldborg um þau, þá hafa menn sótt efni í hana til vefaranna sem ófu efnið í nýju föt keisarans.... Hvað þurfa mörg heimili og fyrirtæki að fara í þrot áður en stjórnvöld og fjármálafyrirtæki grípa til róttækra aðgerða til að breyta ástandinu?  Af hverju hefur á tæpum 7 mánuðum ekki verið komið með neinar haldbærar aðgerðir til að standa vörðu um störfin og verja heimilin?  Menn ætluðu að varast mistökin sem Finnar gerðu, en það hefur heppnast svo rosalega vel, að við erum ekki bara að gera sömu mistökin heldur gerum við þau af meiri myndugleika en Finnar.” 

Ég tek svo auðvitað heilshugar undir lokaorð Marinós þegar hanns segir: “Ég hvet stjórnvöld til að taka án tafar tillögur talsmanns neytenda og færa þær í lög.  Tillögur Gísla Tryggvasonar um gerðardóm er eina sanngjarna leiðin til að leysa þann vanda sem hér er kominn upp.  Við stefnum í sífellt dýpri kreppu meðan ekkert er gert.  Samdrátturinn í neyslu heimilanna er orðinn það mikill, að það getur ekki endað nema með allsherjarhruni.  Þá er ég ekki bara að tala um fasteignamarkaðarins heldur atvinnulífsins í heild.  Eftir því sem heimilin hafa minna til ráðstöfunar eftir greiðslu afborgana og vaxta, þess minni verður veltan í þjóðfélaginu.  Það leiðir af sér minni veltu hjá fyrirtækjum og minni tekjur fyrir ríkissjóð.  Báðir aðilar verða að draga saman seglin og segja upp fólki og þá hefst nýr hringur. Nýtt fólk með litlar tekjur í neyslu, meiri samdráttur, minni tekjur, meira atvinnuleysi. Nýtt fólk með litlar tekjur. Þarf að segja meira?” 

Maður er mjög þakklátur fólki eins og Marinó sem ávalt stendur vaktina.  Látið ekki stjórnvöld blekkja & leika á ykkur endarlaust.  Þið vitið sjálf hvað er réttast að gera.  Hættið að greiða, kaupið frekar mat fyrir ykkur & ykkar fjölskyldu, búið ykkur til varasjóð næstu 6-12 mánuðina.  Argentína gat lýst yfir þjóðargjaldþroti ca. 1980, Ísland getur alveg lýst því sama yfir, ef stjórnvöld fara ekki að koma með lausnir og hætta að láta erlenda aðila leika á sig, þá verðum við íbúar landsins að grípa til okkar ráða til að verja okkur gagnvart þessum skelfilega vitlausum stjórnmálamönnum sem við sitjum uppi með!  Látum þá ekki komast upp með að gera okkur að skuldaþrællum, nú er tækifæri til að leiðrétta verulega VÖRUSVIK bankanna, og ekkert að því að erlendir bankar & fagsjóðir sem lánuðu þessu óreiðumönnum að þeir taki þann skell sem felst í því að veita slæm lán.  Slæm lán þarf auðvitað að afskrifa stundum 80-100%, ekkert að því að við biðjum um LEIÐRÉTTINGU á okkar lánum...  Þið fáið ekki krónu frá okkur fyrr en leiðrétting liggur fyrir, ekki krónu – ekki EVRU – en þið getið fengið einn á lúðurinn hvenær sem er..!  Stjórnvöld, bankamenn & 50 útrásar skúrkar & óreiðumenn hafa í raun barið þjóðina niður í svaðið, nú er komið að okkur að berja aðeins frá okkur…!

Íslensk stjórnvöld & bankarnir hafa beitt okkur – þjóðina (allir nema Solla stirða) ofbeldi og nú erum við farin að berja frá okkur, þó fyrr hefði verið.  Siðblindir & spiltir stjórnmálamenn og bankamenn rústuðu okkar samfélagi – við látum ekki þetta ofbeldi ganga yfir okkur – hingað og ekki skrefi lengra…!  “Game Over – það var líka alltaf vitlaust gefið…!”

 

Og að lokum kæru landsmenn, ég tek heilshugar undir orð Svanbergs, að viðskiptaráðherra ætti í raun að skammast sín á ummælum sínum og biðja í það minnst þau 18-22 þúsund manns sem eru atvinnulausir og geta ekki greitt af lánum sínum afsökunnar..!  Þessari auknu hörku stjórnvalda & bankanna verður svarað í haust, þá óttast ég að “Skotveiðifélag Reykjavikur” munni mæta á svæðið til að styðja við bakið á HÚSAhaldarbyltingunni og þeim sem minna mega sýn.  Ég skil ekki af hverju stjórnvöld skilja ekki reiðina í samfélaginu....?  Fyrst missir maður fyrirtækið, svo vinnuna, svo húsið, bílinn, síðan skilur konan við mann eftir 1 ár í harkinu, og stjórnvöld segja manni að þrauka og standa skil af okurlánum bankanna eins og ekkert sé sjálfsagðara.  Nei, við látum ekki bjóða okkur upp á þetta aðgerðaleysi.  Okkar velferð & hamingja skiptir máli, við opnum ekki á lausnir sem gera okkur að skuldaþrællum.  Hvenær ætla íslensk stjórnvöld að skilja þá einföldu staðreynd??  Þið sem hélduð að núverandi ríkisstjórn myndi slá upp skjaldborg, hafið misskilið húmorinn hjá XS, þeir meintu “tjaldborg” sem mun standa yfir í 1 dag, það er að segja 17. júní og svo hverfur sú tjaldborg og veruleikinn blassir við.   Má nú ekki fara að virkja fljótlega “Heilbrigða skynsemi” og kalla eftir betri & gáfulegri ráðum....??

 

Kv. Heilbrigð skynsemi

  

Kikna undan skuldum