Lýðskrum XS heldur áfram!

Í MBL les maður eftirfarandi: "Það er alveg ljóst að formanni Verkalýðsfélags Akraness og fleiri formönnum aðildarfélaga ASÍ er ekki kunnugt um að verið sé að vinna að þjóðarsátt, eða stöðugleikasáttmála vegna þess ástands sem nú ríkir í íslensku samfélagi....,“ skrifar Vilhjálmur Birgisson, formaður VLFA. Hann segir að ekki hafi verið kallað eftir neinum tillögum vegna þjóðarsáttar og segir furðu sæta ef rétt reynist að fyrir liggi drög að einhvers konar þjóðarsátt eða stöðugleikasáttmála.  Formaður Verkalýðsfélags Akraness vísar til umfjöllunar Morgunblaðsins í gær þar sem segir að mikil áhersla sé lögð á að gerð verði þjóðarsátt vegna þess ástands sem nú ríkir í íslensku efnahagslífi. Ennfremur til fundar aðila vinnumarkaðarins með fulltrúum ríkisstjórnarinnar í dag. Efnt var til fundarins að sögn Jóhönnu Sigurðardóttur, forsætisráðherra, til að geta tekið mið af sjónarmiðum aðila vinnumarkaðarins, enda leggur ríkisstjórnin mikla áherslu á þjóðarsátt um þau verkefni sem framundan eru."

Það var alveg eins og mig grunaði, stjórnvöld kalla fram sýna ráðgjafa & hugmyndafræðinga til að koma í veg fyrir að fólk fari í greiðsluverkfall.  Fengnir eru hliðholir atvinnulygarar eins og Gylfi hjá ASÍ og hagfræðingurinn Friðrik Már til að setja fram lygar & blekkingar, allt skal gert til að stöðva íslenska þrælinn frá því að hætta við að mæta í sláturhúsið í SVÍNABÆ..!  Hugsið ykkur hvað þetta lið (stjórnvöld & forseti ASÍ) er til í að fara langt í sýnum blekkingarleik.  Fyrst var talað um "skjaldborg" - kom ekki einu sinni "tjaldborg", svo var talað um "Velferðabrú" - en peninganna vantar til að byggja hana, nú svo var það "Vinna & velferð" - vinnan felst í því að "mæla út götur borgarinnar í sjálfboðavinnu" og síðasta TROMPIÐ hjá þeim er "þjóðarsátt" sem er svona svipuð sátt eins er í kringum kvótakerfið....  

Ef Samspillingin myndi eyða jafn miklum tíma & orku í að koma fram með sannleikann & alvöru lausnir (leiðréttingu) eins og hún eyðir í "lýðskrum & sýndarmennsku", þá væri örugglega hægt að forðast annað bankahrun. Því miður er of stór hluti þjóðfélagsins fastur í "eldhafi slæmra skulda" og hann á bara að harka þetta af sér, á meðan "MEÐ & á MÓTI ríkisstjórnin" er að ræða um Evrópumál......  Já, íslenskir stjórnmálamenn verða nú fljótlega að fara taka sig saman í andlitinu ef ekki á allt að fara hér til andskotans!

Guðlaugur Hermannsson skrifar eftirfarandi bloggfærslu: “ASÍ er með kröfur "á morgun" Það eru engar tillögur sem vinnandi er með við hendina hjá ríkisstjórn og ekkert hefur verið gert í stöðu heimilanna sem virkar. Ekkert er í sjónmáli nema "aðlögun". Það eru miklar líkur á því að þessi stjórn muni klúðra endurreisninni og verða valdandi þess að annað hrun ríði yfir, sex mánuðum eftir bankahrunið, vegna aðgerðarleysis og ósamstöðu um stefnuskrá nýrrar ríkisstjórnar. Þessi stjórn er mönnuð undirmálsfólki vegna reynsluleysis og þrjósku. Hún lætur eins og hún sé í stjórnarandstöðu en ekki í ríkisstjórn.”  Hver kannast ekki við þetta endarlausa LÝÐSKRUM Samspillingarinnar, þeir eru bæði með & á móti stjórnin.  Með og á móti ríkisstjórnin....! Bjóst einhver við því að VG og Samspillingin næðu saman í tengslum við efnahagslausnir?  Það eina sem þau geta verið sammála um er að vera ósammála. Ég tek svo HJARTANLEGA undir lokaorð Guðlaugs, er hann bendir á þá AUGLJÓSU staðreynd að “Alþingismenn! Krefjið stjórnina um Sumarþing strax í þessari viku annað yrði glapræði.” 

Tek heilshugar undir þessi orð hans, og Ragnheiðar Ríkarðsdóttur alþingismanns Sjálfstæðismanna sem biður um að Alþingi verði kallað saman í sumar, enda er maður nú yfirleitt sammála flest öllu sem kemur frá Ragnheiði...  Sjálfstæðisflokkurinn á nóg að frábærum einstaklingum eins og henni.  Við sem þjóð verðum að virkja BETUR okkar hæfasta fólk, hætta að meðhöndla stjórnmál eins og um sé að ræða ólík fótboltalið.  Við eigum að skilja að við erum ÖLL í landsliðinu - liðinu sem vinur - EF við hefðum bara vit á því að hlúa að öllum leikmönnum í líðinu.... Ég vil gera "Heilbrigða skynsemi" að landsliðsþjálfara..! Í síðast hruni fór Samspillingin & Ránfuglinn í sumar- & jóalfrí, þó fyrir lægi að landsmenn & fyrirtækin ÖSKRUÐU eftir efnahagslausnum.  Megu við búast við gáfulegri vinnubrögðum í sumar, eða ætlar Samspillingin að leiða yfir okkur ANNAÐ bankahrun á sinni vakt...? 

Þórður Björn Sigurðsson skrifar áhugaverða bloggfærslu þar sem hann segir m.a.:” Greiðsluvilji er hugtak sem hagfræðingurinn Tryggvi Þór Herbertsson hefur notað á bloggi sínu www.eyjan.is til þess að vara við þessu sama, en þar skrifar hann: “Ef greiðsluviljinn hverfur og fólk og fyrirtæki hætta að greiða af skuldum sínum þá er illa komið. Það leiðir til þess að vantraust verður algjört og samfélagið gliðnar. Gömul og góð gildi hverfa og upplausnarástand myndast.....  Það er einmitt þetta sem kallað hefur verið SIÐROF og er vel þekkt í félagsfræðinni. Ef fólk tekur sig almennt til og gengst ekki við lánaskuldbindingum, hverfa algild viðmið samfélagsins fyrir skuldaskilum og ábyrgðum og það kemur til upplausnar. Þetta er hættuástand sem gæti leitt til þess að eitthvað annað en búsáhöld yrðu notuð á Austurvelli. Það ætti alls ekki að þurfa að koma til jafn alvarlegra atburða og siðrofs eða upplausnar í landinu !  Krafa fólks er í raun ekki aðallega sú að fjárhagslegum byrðum efnahagshrunsins verði dreift nokkuð jafnt á fjármagnseigendur og skuldara.... Margar tillögur hafa komið fram til leiðréttingar á misræminu og nú síðast frá umboðsmanni neytenda sem hagsmunasamtök heimilanna hafa tekið undir. Lausnirnar eru því til og sátt gæti orðið um einhverja þeirra, ef pólitískur vilji stæði til þess...”   

Því miður hefur ekki sést glita í pólitískan vilja síðustu 6 mánuði eða svo, það er bara lygi hjá stjórnvöldum & blaður út í loftið að þau séu að taka á málum.  Þau hafa hingað til ekki boðið upp á lausnir sem innifela í sér leiðréttingu.  Með því að gera slíkt þá eru þau neydd til að viðurkenna þá augljósu staðreynd að formaður Framsóknar var alltaf að tala á réttum nóttum og það var bara “hroki & dónaskapur” að tala hans lausnir niður....!  Búið að vera frekar augljóst lengi að fólk ÖSKRAR eftir smá leiðrétting, þó svo ég sé vissulega ósammála því að allir fái 20% leiðréttingu.  Mín skoðun er að setja verður þakk, þannig að t.d. 30% best stöddu einstaklingar landsins fái enga leiðréttingu.  Ég gef mér þá það að þeir hafi t.d. fengið 30% tilbaka þegar stjórnvöld setu t.d. 200 milljarða til að rétta við ónýta peningarsjóði bankanna.  Fyrst stjórnvöld gátu komið með slíka leiðréttingu, þá geta þau ekki endarlaust LOGIÐ þvi að ekkert sé hægt að gera fyrir þá sem minna mega sýn í samfélaginu.  Við látum ekki leika á okkur endarlaust..!

Kv. Heilbrigð skynsemi   

Þjóðarsátt í þröngum hópi